ANG BATO

                         

                                                                ANG BATO


                                      Sa bawat paglakad ay di maiwasan
                                      batong nakakalat sa ating daanan
                                      sa liit ay tila
                                      walang pakinabang
                                      ngunit kung silbi
                                      ang pag-uusapan
                                      ang batong kayliit
                                      ay puwedeng magyabang.

                                      Bato ang ginamit sa mga gusali
                                      bagay ng kaytigas kaysa sa ating kamao
                                      ginawang paalala sa mga bayani
                                      mga batong inukit, at ginawang monumento.

                                      Minsan ay kayrungis kung iyong titingnan,
                                      na halos itaboy at saka pandirihan
                                      ngunit ang iba ay linisan lamang
                                      at iyong makikita, nakatagong yaman.

                                     Ginto at pilak, saan ka nanggaling,
                                     nagkukubli lamang sa
                                     batong malalim
                                     diyamante't brilyante,
                                     ano ka at sino ka?
                                     Di ninyo nalalama'y isa ring bato.


Diwa: Ipinapakita sa tula ang kahalagahan ng bato sa pang-araw-araw na pamumuhay ng tao. Ito ay maraming nagagawa sa buhay ng tao. Ito ay pwedeng pakinabangan ng tao sa kanyang araw-araw na pamumuhay.